Zalenna kan sual zel dawn - Tawnluia

MNF senior vice president Tawnluia chuan, nimin khan Mizo Hnam Runa inkhawmah thu sawiin, MNF party chuan Mizo hnam hnam zalenna a sual zel dawn tih a sawi.

Tawnluia chuan, "Engtin nge kan hmuh ang a, engtikah nge kan hmuh ang tih erawh chu chung lamin kawng min kawhhmuh zel ang," a ti.

Tawnluia chuan, MNF chu martarte thisena bual a ni tih sawiin, "Zoramin zalenna pumhlûm a neih theihna tur te, Zo hnah-thlak zawng zawng rorelna pakhat hnuaia kan awm theihna atante kan bei zel dawn a ni," a ti a; MNF chu ‘Pathian leh kan ram tan’ tih thupuia hmang, Pathian chakna chauh rinchhana Mizo hnam tana bei tura lungphûm nei a nih angin, Pathian leh Mizoram tan an bei zel dawn tih a sawi.

Vawiin, October 22 hi MNF din champha kum 55-na a ni a, MNF-te chuan an din champha hi hmun hrang hrangah an lawm dawn.