I&PR deptt. leh MHIP ṭangkawpin Hmeichhiate pawimawhna zirho

Information & Public Relations department leh Mizo Hmeichhe Insuih-khawm Pawl (MHIP) ṭang-kawp chuan, nimin khan Vanapa Hall-ah 'Ram leh hnam hmasawn nan hmeichhiate pawimawhna' tih thupui hmangin Mizo Women Media Festival an buatsaih a, IPR minister Lal Thanzara'n a hmanpui.

Lal Thanzara chuan, tun hmain khawtlang leh chhungkhuaah hmei-chhiate dinhmun hniam hle ṭhin mah se, tun hunah chuan rilru put hmang a changkan tawh thu a sawi a, "Kawng hrang hrangah hmeichhiate dinhmun a ṭha tawh viau a, ram leh hnam hmasawnna atan ṭangkaina nasa tak an nei tawh a ni," a ti.

Hmsawnna reng reng a hnukpui ber chu lehkha thiam, zir sânna leh hriat zaunaah a innghat phawt tih sawiin IPR Minister chuan, "Chumi atan chuan Mizo hmeichhiate lehkha thiamna lamah hian, mipate'n hmeichhe hnung hi kan ûm ta zawk mah emaw tih theihin kan awm mek a ni," a ti a; hmeichhiate chu ram leh hnam hmasawn nan an pawimawh thu a sawi.

Festival-ah hian chaw-hnu lamah Planning secretary Dr C Vanlalram-sanga buatsaih, 'Central scheme hrang hranga hmeichhiate hamṭhatna inhrilhhriatna leh zirtirna leh ngaih pawimawh dang-te' tih te, MHIP vice president Dr Thanpuii buatsaih 'Mizo hmei-chhiate - hnam ro, fanau enkawl, zirna, hriselna leh kut themthiamna lamah' tih leh, Lengzem editor Vanneihthluanga buatsaih 'Mizo hmeichhia - hnam intodelhna atan' tihte zirho a ni.