NLUP hmangin Mizoram sorkarin Rorelna dik a thlentir - R Lalzirliana

Agriculture minister R Lalzirliana chuan October 20, 2016 khan Kei-fang leh Seling khua-ah NLUP ṭanpuina a semnaah thu sawiin, NLUP hmangin Mizoram
sorkar-in rorelna dik a thlentir mek niin a sawi.

R Lalzirliana chuan, NLUP chu Mizoram sor-kar thupui 'rorelna dik' tihhlawhtlinna, dinhmun harsaa khawsa mek mirethei leh chanhaite chhan-chhuah hna tihpuitlinna a nih thu a sawi a, "Rorelna dik chu miretheite ngaihsak leh chhanchhuah a ni. NLUP kaltlangin sorkarin rorelna dik a thlentir mek a ni," a ti.

Agriculture Minister chuan, sorkarin a tih theih chin ti mah se, NLUP hlawhtlinna tura pawi-mawh ber zawk chu ṭan-pui--na dawngtute inpekna a nih thu a sawi a; NLUP atana sorkar inpekna thûkzia hria a, ṭha-hnemngai taka an hmalakna chhunzawm turin ṭanpuina dawngtute a chah.

NLUP hmalakna hnuaiah zau (lo) panna kawngte a lo hnawk deuh a nih pawhin, sor-kar beisei nghal mai loa hnatlanga thenfai theihte chu thenfai ṭhin ni se a duh thu sawiin R Lalzir-liana chuan, "A thlawna pawisa sem dawngah inngai lo a, tih tak meuh in hmalak duhnate sor-karin a hriatpui vanga ṭan-
puina hmu ni tih in hriat a pawimawh," a ti.

NLUP ṭanpuina hi Keifangah khaw pariata chhungkaw 69 leh Seling-ah khaw pathuma mi 72 hnenah hlan a ni.