MoS Nilawma'n Central hotute a kâwm

Delhi-a châm mek minister of state Prof. Lalnilawma chuan nimin khan Ministry of New and Renewable Energy secretary Santosh Sarangi leh National Disaster Management Authority (NDMA) director Mrinali Srivastava te a kâwm a, Mizoram mamawhte a thlen.

Prof. Lalnilawma hian Mizoram sorkara Rural Development & Administration department-in bio-gas lam kaihhnawih a khawih dawn tâk avangin Ministry of New and Renewable Energy Secretary chu hmalak dan tur a sawipui a ni. Santosh Sarangi chuan, June 2025 chhungin Mizoramah bio gas chungchang zirhona buatsaih a nih tur thu a sawi.

NDMA director Mrinali Srivastava nen an inkawmnaah tun hnaia Mizorama chhiatna hrang hrang thlenga NDMA aṭanga ṭanpuina awm thei turte an sawi dun a ni.