MLA-in zirlai ti ṭhate lawmpuina hlan

Serlui bialtu MLA Lalrinsanga Ralte chuan nimin khan an inah a bial chhung sikul aṭanga HSLC leh HSSLC distinction-a pass mi pali hnenah lawmpuina atan laptop, thuchei leh lehkhabu a pe. Serlui Bialtu MLA hian MLA a nih hnuah a bial chhung sikul aṭanga HSLC leh HSSLC distinction-a pass-te chu laptop a pe ṭhin a ni.

Lalrinsanga Ralte chuan, a bial chhung sikul aṭanga HSLC leh HSSLC distinction-a pass thei an awm chu a lawm thu a sawi a, "Zirna hi puitlinga min siamtu a ni a, dinhmun ṭhaa min dintir theitu chu zirna a ni. Thiamna tak tak neia ke pên a pawimawh. Hlawhtling tur chuan tumruhna, inpumpekna leh mahni inthunun theihnate a pawimawh hle a ni," a ti.