CYMA-in zirlai hlawhtlingte lawmpui

CYMA chuan thuchhuah siamin, MBSE hnuaia HSLC leh HSSLC result chhuakah HSLC-ah 76.68% leh HSSLC-ah 81.10% ten hlawhtlinna an chang chu lawmawm an ti a, hlawhtling zawng zawng an lawmpui thu an tarlang.

CYMA chuan, "Zirlai hlawhtlinna chang zawng zawngte an zir leh zelna turah leh an hma lam hunah hlawhtlinna chang zel tura theihtawp chhuah zel turin kan beisei a, duhsakna kan hlan. Tun ṭuma hlawhtling ve rih lote pawh hnual mai loa theihtawp chhuah a bei zel turin kan ngen bawk," an ti.

Zirlaite'n hlawhtlinna an neih theihna tura theihtawp chhuahtu zirtirtute leh department-a thawk zawng zawng chungah an lawm thu CYMA chuan an tarlang a; Mizoramah zirnain hma a sawn zel theih nan theihtawp chhuah tlang turin mipui an sáwm bawk.