Minister-in Central official a kâwm
Minister of state Prof. Lalnilawma chuan May 16, 2025 khan Ministry of Home Affairs hnuaia Border Management secretary Dr Rajendra Kumar a kâwm a; Border Area Development Program (BADP) thlaktu tur Village Vibrant Programme (VVP)-II chungchang a sawipui.
Prof. Lalnilawma chuan, VVP-II chu Mizoram leh hmarchhak state ten a rang lama an hman theih nan kaihhruaina (guidelines) chhuah vat a ṭul thu a sawi a; Mizorama khaw tam tak, VVP-II a la tel lo, tuna tel thei tawh site chu a tahtawla telh zel ni se a duh thu Union Secretary hnenah a thlen.
Dr Rajendra Kumar chuan, VVP-II chu peih a nih veleh sanction order chhuah turin Ministry lam an inpeih tawh thu a sawi a; state sorkarin sum an dawnte chu hmang zo vat ṭhin tura a chah bakah, VVP-II hnuaia thingtlang khua la tel ve lote pawh budget hman a nih hnuah ennawn theih a nih tur thu a sawi.