Pawl 6-in thisen unit 306 pe

May 17, Inrinni khan thisen unit 306 pek a ni. ṬKP, Zotlang Bialin Civil Hospital Aizawl tan unit 134 an pe a, petute mipa 105 leh hmeichhia 29 an ni a; KṬP, Hlimen Bialin an diamond jubilee pualin Synod Hospital tan unit 48 an pe a, petute mipa 45 leh hmeichhia pathum an ni. Salvation Army Youth, Central South Division-in ZMCH tan unit 42 an pe a, petute mipa 36 leh hmeichhia paruk an ni.

PYD, Hnahthial-in Lunglei Civil Hospital tan unit 47 pein, petute mipa 34 leh hmeichhia 13 an ni a; LIKBK Ṭhalai Pawl, Siaha Bialin Siaha District Hospital-ah unit 20 an pe a, petute mipa 18 leh hmeichhia pahnih an ni. KṬP, Serchhip Bazar Veng Branch member mipa 11 leh hmeichhia palite'n Serchhip District Hospital tan unit 15 an pe bawk.