KHAWTHLIR

MLA-in sikul tlawh

Adviser to CM TBC Lalvenchhunga, MLA chuan nimin khan a bial chhunga Rangvamual, Phunchawng, Sihhmui leh Sairanga sorkar sikulte sawi lawk loin a tlawh a; sikul leh zirlaite mamawhte a enfiah. TBC Lalvenchhunga hian sikul pakua a tlawh a, "Tun sorkar kum 3 chhungin zirnaah hmasawnna ṭha zawk thlenpui che u kan tum a, kan hmalaknaah zirtirtute thawhpuiah ka sawm che u a ni," a ti. MLA hi Aizawl West SDEO Caroline Rinthanpuii Fanai-in a ṭawiawm.

Chhiatna thlenga hmalak dan zirho

Champhai District Disaster Management Authority (DDMA) chuan nimin khan IPR Auditorium-ah Champhai RD Block chhunga Village Disaster Management Committee (VDMC) 37-te tan chhiatna a thlena hmalak dan tur zirhona an buatsaih. He hun hi Champhai DDMA chairman Mohamad Aaquib, bawrhsapin a hmanpui a, DDMA district organiser VL Hruaimawia'n thil pawimawhte a zirtir a ni.

MP model villege-a hmalakna ṭha ti

Serchhip DC Paul L Khuma kaihhruiin nimin khan DC meeting hall-ah Lok Sabha leh Rajya Sabha MP palite'n Serchhip district-a model village pakhat ṭheuh an thlantea Sansad Adarsh Gram Yojana (SAGY) hnuaia hmalakna leh hmachhawpte thlirho a ni a; hmalak tawhnate chu ṭha thaw khatah an ngai. Serchhip district-ah hian MP model village pali - Khawlailung (CL Ruala), Chhiahtlang (Ronald Sapa Tlau), Khum-tung (C Lalrosanga) leh North Mualcheng (K Vanlal-vena)-te a awm a ni.

Chhiah pek theih

Kum 2025-26 atana Land Revenue & Settlement department hnuaia chhiah hrang hrangte chu online-in landtax.mizoram.gov.in kaltlangin pek theih a ni. Online-a chhiah pe thiam lo tan Youtube-ah video ent heih a nih thu sorkar thuchhuahin a tarlang. Serchhipah chuan office-a chhiah pe duh tan office hun chhungin LRS office-ah pek theih reng a ni.