Mi 5,082-in 'I Kawtkaiah Sorkar' an pan

Lunglei DC Office buatsaihin kumin January 14 aṭanga May 14 thlengin Lunglei district-a khaw parukah 'I Kawtkaiah Sorkar' (Prashasan Gaon Ki Ore) buatsaih a ni a, mi 5,082-in an pan.

Lunglei district-a 'I Kawtkaiah Sorkar' hi January 14, 2025 khan district bawrhsap Navneet Mann chuan Haulawngah a hawng a; Ralvawng, Bunghmun, Tlabung, Lungsen leh Bualte khuaahte neih chhunzawm a ni. Hun hmannaah hian sorkar department/office hrang hrang leh bank-te chu mipui tan an inhawng a, khaw paruka buatsaih tawhah mi 5,082-in an pan a ni.

I Kawtkaiah Sorkar kaltlang hian Lunglei DC office hnuaiah Aadhaar siam thar leh siamṭhat 487, voter ID siam thar leh siamṭhat 428 leh certificate hrang hrang (tribal, residential, income, etc.) pek chhuah 611 a awm. Supply department kaltlangin ration card siam thar leh siamṭhat 639, Health department hnuaia a thlawna inentir leh ABHA card siam 498, Vety department hnuaia ran entir leh hri danna pek 890, Agriculture leh Horticulture department hnuaia thlai leh thei chi sem leh scheme hrang hranga inziak lut 500 an awm a; SBI leh MRB hnuaiah bank account hawng thar leh scheme hranga inziak lut mi eng emaw zat awm bawk.

Social Welfare, Women & Child Development, Commerce & Industries, Education, Power & Electricity, PHE, PWD, Rural Development, Soil & Water Conservation, Irrigation, EFCC, Police, Fire & Emergency, Taxation, Land Revenue leh department hrang hrangte'n sorkar scheme hrang hrang hnuaia inziah luhna leh mipui harsatna chinfelna an buatsaih bawk a ni.