Chhiatna hmachhawn dan zirho

Directorate of Hospital & Medical Education chuan thawktute pualin nimin khan an auditorium-ah chhiatna hrang hrang laka inven dan leh chhiatna a thlena chet lak dan zirhona an buatsaih a; chhiatna thleng buaipuitute'n thil pawimawhte an zirtir.

Zirhonaah hian lirnghing, leimin, in chim, kângmei leh chhiatna dang a thlen palha hmalak dan turte inzirtir a ni a; HME director Dr SR Ngurchamliana chuan, khawi hmunah pawh chhiatna thleng thut thei a ni a, tute pawh an inrálrin reng a ngaih avangin zirhona an buatsaih tih a sawi.

DHME-a thawkte chu Disaster Management & Rehabilitation department aṭangin Lalbiakzuala leh Fire & Emergency Services aṭangin station officer Lalremmawia ten thil pawimawhte an zirtir a; Dr Robert L Khawlhring-in thu a sawi bawk.