Thenzawlah Green Mizoram Day

State Level Sub-Committee on Green Mizoram chu nimin khan Environment, Forest and Climate Change (EFCC) minister Lalthansanga hoin Chief Wildlife Conference Hall-ah an ṭhukhawm a; kumina Green Mizoram Day hman dan tur rêlin, a hmanna pui ber chu Thenzawla buatsaih ni se, an ti.

Ṭhutkhawmnaah hian kum kal taa hmalaknate thlir let a ni a; June 11, 2025-a hman tur Green Mizoram Day thupui atan 'Plant trees and catch the rain' (Ruahtui khawl nan thing i phun ang u) tih an thlang.

State pum huapa Green Mizoram Day hawnna inkhawm chu Thenzawlah buatsaih tura tih a ni a, khuallian atan Chief Minister an beisei. Aizawl district bik hmanna atan Assam Rifles, Zokhawsang hmun thlan a ni bawk.

Thing ṭiak sem chhuah leh phun tur zingah Mizoram state tree Herhse chu uar lehzual tura ṭan lak ni se, an ti.

Kumin Green Mizoram Day pual hian kângmei vennaa ti ṭha zual district-te leh ramngaw leh nungcha humhalh ṭha zualte thlana lawmman hlan a ni ang.