Synod-in ṭawngṭai rual hun a siam

Synod Executive Committee (SEC) nimina ṭhukhawm chuan, Covid-19 chungchangah naktuk Pathianni zan dar 7-ah an kohhran chhung tinte ṭawngṭai rual turin an rêl a; Bial Inkhawmpui leh inkhawm leh hun tur chungchang an ngaihtuah bawk. SEC chuan ṭawngṭai rualna thupui tur a siam nghal a; chungte chu - Covid-19 léng a reh thuai theih nan, Covid-19 vanga damlo leh thi chhungte tan, damdawi-ina thawk te, task force duty-te leh sorkar hotute tan, tihte a ni. Inkhawm chungchangah SEC chuan, "May thlaa tualchhung kohhran inkhawm neih leh neih loh chungchang chu sorkar hmalakna leh kalpui dan ngaichâng chungin fi mkhur taka Kohhran Committee emaw, Bial Standing Committee emaw rêl tura dah a ni," a ti. SEC chuan, Bial Inkhawmpui a hun pang ngaiah neih theih a nih loh avangin neih hun atan June 26-28, 2020 an ruat a, inkhàrkhip vanga remchan lohna a awm leh a nih chuan OM-in an la ngaihtuah ṭha leh ang.