Chhûmkhûm leh Chawngte kawng enfiah

Lunglei district-a Chhûmkhûm leh Chawngte inkar kawng, lirthei kal theih loh khawpa chhia nia sawi chu Inrinni khan Chawngte Area Joint Action Commitee-in an chairman ZD Ramngamzauva hoin an tlawh a; contractor-in a siam mek dan enfiah.

Chhumkhum-Chawngte kawng hi World Bank hnuaiah JKM Infra Project Ltd.-in an siam mek a; tuna hna a thawh mek dan chu CAJAC chuan ṭha tâwk lo an tih avangin an hmalak zel dan tur sawiho leh an tuma thu dawn a ni. Km. 41.53-a thui kawng hi World Bank sum vbc. 245.56 hmangin laih zauh mek a ni a, motor tlan theih loh khawpin a chhia nia sawi a ni.