Aizawl City BMP Meet hmang

Baptist Mipa Pawl (BMP) chuan October 21-23, 2016 chhung khan Ramhlun South BCM biak-inah Aizawl City BMP Meet vawi 20-na an hmang a, thupui 'Thianghlimna' tih chu speaker Rev.Dr V Laldingliana'n a sawi.

Aizawl City BMP Meet-ah hian Inrinni chaw-hma khan unit hrang hrangte zaipawl hmangin an intihsiak a, chawhnu lamah inpàwlhona hun hman a ni a, Inrinni zan aṭanga nizan thleng khan Pathian biak inkhawm neih a ni.

Aizawl City BMP Meet hian pastor bial pakuaa unit 36 a huam. Kum thar aṭangin BCM Executive Secretary, Aizawl area hnuaia Coor-dination Committee awm ṭhin chu tihtawp a nih dawn avangin, tun
ṭum hi Aizawla BMP Coordination Committee-in Aizawla BMP member-te intawhkhawm a buatsaih hnuhnung ber tur a ni.