Home Minister-in ramri a tlawh

Home minister Lalchamliana chuan Ningani leh nimin khan Covid-19 vanga inkhârkhip kengkawhtu leh ramri vengtute a tlawh kual a; Ninganiah Mizoram khawthlang lam ramrite a tlawh hnuah nimin khan Mizoram hmar lam ramri - Phaisen leh Vairengte-te a tlawh. Minister hian Phaisen border outpost-a duty police leh task force volunteerte chu an inpekna leh hmalaknaah lawmthu a hrilh a; Covid-19 hri lèn hun chhung tur hriat a nih loh avangin hahdam zawka duty dan ruahman thiam turin a chah.

Duty-te hnenah invenna hmanraw chi hrang hrang a pe nghal a ni. Home Minister hian Vairengtea state pawn aṭanga lut turte enfi ahna screening point leh checkgate-te a enfi ah a; khawtlang hruaitute chuan, Mizorama luh phalna (permit) nghaka gate bula tangkhang eng emaw zat an awm ṭhin chu khawtlang tan him loa an ngaih thu an lo thlen. Minister pawhin Home Secretary be nghalin, Vairengte checkgate-ah lirtheite rang zawka an kaltlang theih dan tur ruahman turin a hrilh a ni.