Breast Cancer Awareness Month

October thla hi khaw-vel pumah hnute cancer chungchang inhrilhhriat-na thla, Breast Cancer Awareness Month a ni a; Mizoramah pawh Inrinni khan Mizo NIFTIANS Association buatsaihin Mizoram University Multipurpose Hall-ah hun hman niin, Health minister Lal Thanzara'n a hmanpui.

Health Minister chuan chuan, khawvel pumah leh Mizoram chhungah ngei pawh hnute cancer a hluar hle tih a sawi a, "He natna ṭihbaiawm tak hmachhawn dan leh a natna chungchang inzirtirna programme buatsaih a ni hi a lawmawm hle a ni," a ti.

International Breast Cancer Awareness Month puala programme buatsaihah hian India ram hmun hrang hranga National Institute of Fashion Technology (NIFT)
aṭanga zir chhuak Mizo designer-te'n an kut-chhuakte an pho chhuak a ni.