BJP-in CM Hawla thusawi an chháng

BJP Mizoram Pradesh chuan thuchhuah siam-in, chief minister Lal Thanhawla'n October 21, 2016-a Congress Bhavan-a thu a sawiah, 'BJP thil tum ber chu Hindu sakhuaa mi leh a ni' a ti chu thil a hriat sual vang niin an tarlang.

Mizoram BJP chuan, an party thil tum ber chu India ram tihhmasawn a, hnam hnufualte leh sakhaw tenaute humhim a, hmasawnna neihtir vek a ni tih sawiin, "Mahni sakhua ṭheuh an awm anga zalen taka India ram khawi hmun pawh an awm a, an sakhaw tih dan ṭheuh vawn nunsak a, sakhaw tinte luangrual taka kan awm a, chî leh chî, sakhua leh sakhua inkara buaina leh harsatna an tawh theih laka venhim hi a ni," an ti.

An thil tum ṭha tak avangin Narendra Modi kaihhruai BJP sorkarah India ramin kum hnih chhungin hmasawnna lian tak hmuh theihin a tawng mek niin an sawi a; Congress party thil tum chu, India rama hnam retheite leh sakhaw tlem zawkte retheihna khura tluk luhtir a, retheihna khura hruai luh te, hmasawnna thleng pha si loa sum tlem tê tê hmanga mi nun tihchhiat a, kutdawh hnama min siam tumte niin an sawi.

BJP chuan, CM Lal Thanhawla'n 'Yoga leh Kristian sakhua a inrem lo' a tih hmain Yoga a hlauh-awm lohzia a sawi tawh niin an sawi a, "Intodelh loa a siam mipui-te sawi ṭhaih leh nana hmang lehtu hi mihring principle nei lo a nihzia a tilang chiang hle," an ti.