Ramri kântu mi pahnih man

Champhai police chuan Covid-19 hri léng vanga Indo-Myanmar ramri khâr a nih hnua dan loa ramri kâna Mizorama lut mi pahnih an man a; nimin khan Champhai District Court-a an hruai hnuah Court thu angin District Jail-ah an dah.

Mi pahnihte lakah Passport Act leh IPC Section 188 tlawhchhanin thubuai ziah a ni. Sorkar thuchhuah tarlan danin, mi pahnihte hi Melbuk khaw ram Ṭiau kai kaltlangin Myanmar aṭangin Mizoramah an lut a, man an nih hnuah Keifangtlanga sorkarin quarantine centre a siamah ni 14 chhung dah hran an ni a, Covid-19 kai rinhlelhawmin an awm lo tih fi nfi ah a nih hnuah police-te'n an la zui a ni. Hetih lai hian, mi pahnih hi India khua leh tui an nia tarlan a ni bawk.