MADC VC by-election hun puang

State ELection Commission chuan Mara Autonomous District Council (MADC) chhunga village council by-election neih hun tur nimin khan a puang a; V/C by-election neihna tur khaw huam chhungah Model Code of Conduct puan nghal a nih thu a tarlang.

MADC-ah hian June 17, 2025-ah VC by-election neih turin SEC chuan a ruahman a; by-election neihna tur chu VC 13-ah a ni a, VC member 29 thlan tur niin, chungte chu general seat 24 leh hmeichhe tana hauh seat panga a ni.