Lunglei khawpuia hoarding tàrte senghawi turin LMC-in a hriattir

Lunglei Municipal Council (LMC) chuan AMC huam chhunga Pukpui leh Lunglawn inkar kawngpui dunga hoarding tártute chu May 31, 2025 ral hmain an hoarding tàrte senghawi vek turin a hriattir.

LMC hian March 27, 2025-a hriattirna a lo tihchhuah tawh angin, Pukpui leh Lunglawn inkar kawngpui dunga hoarding tártu mimal, sorkar department, kohhran leh pawlte chu May 31, 2025 ral hmain hoarding tarte senghawi vek turain a chah a ni.

Hoarding chungchangah hian LMC chief executive officer Donny Lalruatsanga chuan hriattirna a chhuah a; hoarding siam leh tàr mumal leh felfai zawka kalpui a nih theih nan tender siama kalpui a nih tawh dawn thu a tarlang. A hmun azirin a len zawng inang tlang tura duan a nih dawn bakah, khawpui cheitu pakhat a nih theih nan ruahmanna siam a nih thu a tarlang bawk.