Christian Hospital, Serkawnah MUHCS hman theih a ni tawh

Lunglei Serkawna Christian Hospital-in Mizoram Universal Healthcare Society (MUHCS) zawm an remtih hnuah tihfel ngaite an ti zo tawh a; he damdawi-ina awmte tan May 21, 2025 aṭang khan MUHCS hman theih a ni tawh.

Christian Hospital hian MUHCS hman ṭan tirh lamah an zawm lo a, Baptist Church of Mizoram Administrative Committee chuan Christian Hospital-in MUHCS an zawm an remtih hnuah zawm turin damdawi-in hotute'n an bawhzui a ni. Tihfel ngaite tihfel a nih hnuah MUHCS an zawm tawh a, May 21 aṭang khan MUHCS-a inziak lut, Christian Hospital-a awmte tan MUHCS hamṭhatna hman theih a ni ta a ni.