Investor summit-ah CM a tel

Prime minister Narendra Modi chuan nimin khan Bharat Mandapam, New Delhi-ah Ministry of DoNER-in hmarchhak state pariatte tana 'Rising Northeast: Investors Summit 2025' a buatsaih a hawng a; chief minister Lalduhoma pawh a tel.

Summit-ah hian investor-te tana India hmarchhak state pariata hmalak theihna awmte pho chhuah niin, agriculture & allied sector, food processing, textile, handloom & handicraft, entertainment & sports, education & skill development, healthcare, IT & ITES, tourism & hospitality leh infrastructure & logistics kaihhnawih thilte thlurbing a ni.

Mizoram aṭangin Planning & Programme Implementation department kaihhruaina hnuaiah Commerce & Industries department leh Horticulture department hnuaia Mizorama thil siam leh tharte pho chhuahna stall pakhat hawn a ni a, Mizo entrepreneur pali an ṭhu bawk.