Animal Health Camp-ah ran 889 hriselna enfiah

AH&Vety department, College of Veterinary Sciences & Animal Husbandry (CVSc&AH), Selesih, ICAR-DPR, Hyderabad, Serchhip DRDO leh North Vanlaiphai KVK-te ṭangkawp chuan nimin khan North Vanlaiphai Lersia Hall-ah 'Animal Health Camp cum Input Distribution' an buatsaih a, ran 886 hriselna dinhmun enfiah a ni.

Health camp hi North Vanlaiphai SDO (Civil) Dr Peter Malsawmtluanga'n hawngin; CVSc&AH assistant professor Dr Lalhumliana Tochhawng-in ar vulhtute pualin training a buatsaih bakah, ar vulhtute hnenah ar note (rainbow rooster), ar chaw leh mineral mixture-te sem a ni.

Animal Health Camp & Free Vaccination Camp-ah hian ui 20, vawk 35, bawng paruk, zawhte pakhat leh ar 824, a vaiin ran 886 hriselna dinhmun enfiah a ni a; ui 18 hnenah ui a hri danna (anti-rabies vaccine) pek a ni bawk.