Electric bill siam dan thar hman ṭan a ni; Chawi thlawn a awm tawh dawn lo - Minister

Power & Electricity minister F Rodingliana chuan, mipui (domestic) tan electric bill pek dan thar, Pro Rata Basis kalpui ṭan a nih avangin ni tina kawlphetha hman zat aṭangin pawisa chawi tur (fixed charge) chhût tawh tur a nih thu a sawi a, "Mipuite'n tun hmaa thla khat atana bill siam aṭanga pawisa an chawi thlawn ṭhin ang kha a awm tawh dawn lo," a ti.