Bána Kaih hnuaiah loan pe ṭan tawh

Saitual bawrhsap Dr Lalngura Tlau kaihhrauiin nimin khan Saitual district aṭanga Bán Kaih (Handholding) scheme hnuaia progress partner tura thlan mi 36-te chungchang ngaihtuahin a kaihhnawih department leh bank hotute an ṭhukhawm. Mi 36 zinga pathum hnenah loan pek a ni tawh a, mi pahnih an inhnuhdawh thu tarlan a ni.

Dr Lalngura Tlau chuan, Handholding scheme chu sorkar programme pawimawh a nih avangin progres partner-te an hlawhtlin ngei theih nan theihtawp chhuah turin kalkhawmte a chah a, "Mizoram Planning Board hnuaia Mizoram State Policy Coordination Committee chuan Saitual district aṭanga dilna 1,000 chuang lut zingah mi 36 a thlang a, mi 36-te tan hian orientation training bakah line department lam aṭangin briefing kalpui a ni," a ti.

Ṭhutkhawmah hian progress partner mi 36-te thlen tawh chin leh loan lakna tura harsatna an tawhte chinfel dan tur sawiho a ni.