Larsapin lehkhabu a tlangzarh

Governor Gen. Dr Vijay Kumar Singh chuan nimin khan Mizoram University seminar hall-ah Prof. Laltluangliana Khiangte lehkhabu pathum - 'Anti-Colonial Chieftainess: Lalnu Ropuiliani' tih te, 'Indigenous Tribal Worrior: Pasaltha Khuangchera' ti leh, 'Anti-Colonial Hero: Mizo Lal Zakapa' tihte a tlangzarh.

Larsap chuan, India ram hmun hrang hranga chengte chanchin ziahna tam zawk chu India ram awptute ziah a nih thu a sawi a, "Mi dangte hriata kan hnam ziarâng dik tak kan pho lan a, ṭhangtharte hnena kan chawr chhuah dan dik kan hrilh chhàwn theih nan keimahni hnam ziarâng mila dik taka history kan ziah ṭhat lehte a ṭul. Hemi tur hian nasa zawka zirchianna kalpui pawh a ṭul a ni," a ti.