MSU-in Tribal Minister an hmu

Mizo Students’ Union (MSU) hruaitute chuan May 25, Pathianni khan Union Minority Affairs minister of state George Kurian chu BJP pisaah an hmu a; zirlauite kaihhnawih thil ṭhenkhat an thlen.

MSU hruaitute hian Mizoramin kum 2024 atana tribal scholarship fourth instalment cheng nuai 870 a la hmuh loh chungchang an thlen a; scholarship dawn tlai ṭhin vanga harsatna hrang hrang zirlaite'n an tawh ṭhinte sawiin, hmalakpui turin an ngen a ni.

Mizoramin exam centre a neih tam loh vanga CUET leh UGC-NET exam bakah, online exam hrang hrang hmachhawn turin state pawna kal a ngaih ṭhu thu leh, zirlai leh ṭhalaite'n harsatna an tawh phah ṭhin thu an thlen bawk a; Mizoramah online exam center lian ṭha leh changtlung a awm theih nan hma lakpui turin an ngen.

George Kurian chuan MSU hruaitute thil thlente chu theihtawpa a lo bawhzui tur thu a sawi niin MSU chuan an tarlang.