CM-in Union Health Minister a kâwm

New Delhi-a châm mek chief minister Lalduhoma chuan nimin khan Union Health minister JP Nadda leh 16th Finance Commission chairman Arvind Panagariya-te an pisaah a kâwm a; Mizoram mamawhte a thlen.

CM Lalduhoma hian Union Health Minister hnenah Zoram Medical College & Hospital-a Critical Care Block siam zawh ṭêp a nih tawh thu sawiin, Critical Care Block-a thawk tur doctor, nurse leh thawktu dangte lakna atan cheng vbc 21.63 pe turin a ngen.

Health minister JP Nadda chuan, cabinet memorundum siama Cabinet Meeting-in a ngaihtuah tura a chhawp chhuah thuai tur thu Chief Minister a hrilh a ni.

Lalduhoma chuan 16th Finance Commission chairman Arvind Panagariya kâwmin, Mizoramin kum lo kal leh zel tura 16th Finance Com-mission hnena Mizoram mamawh a thlente a sawipui a; Thenzawl Peace City Project te, Bána Kaih (Handholding) scheme leh village council (VC)-te'n fund ṭha zawk an hmuh theihna tura rawtnate chu ngaih pawimawhsak turin a ngen.