Lirthei chesualah pafa an thi

Nimin zing dar 4 vel khan Aizawl distruict-a Sakawrdai leh Zohmun inkarah lirthei (car) a chesual a; Suanzabiaka (51) leh a fapa Reuben Thangbiakdika (3), Kolasib Electric Veng te an thi.

Vanglaini thu dawn danin, Suanzabiaka hi Mauchar RMSA High School headmaster a ni a; a nupui leh a fapa nen Kolasib aṭangin an car-in Mauchar an pan a, nimin zing dar 4 vel khan Sakawrdai leh Zohmun inkar, Zohmun daiah kawng thlangah an tlan liam a ni.

Chetsualnaah hian Suanzabiaka leh a fapa Reuben Thangbiakdika te an thi a; Suanzabika nupui Vungkawlchini pawh hliamin, Sakawrdai damdawi-inah lak a ni a, ngaihtuahawm lutuk a ni lo.

Suanzabiaka leh a pafa ruang hi Zohmun YMA-in kuanga an dah hnuah Kolasib panpui an ni a, vawiin chhun dar 12-ah vui an ni ang.