Mobile phone a neitute pe lêt

Aizawl Police Station chuan mobile phone bo report an dawn, CEIR Apps hmanga an hmuh lêt lehte chu a neitute hnenah nimin khan an pe lêt.

Mobile phone bo hmuh let leh a neitute hnena hlanna inkhawm tawi Aizawl PS Conference Hall-ah buatsaih a ni a; Aizawl Police Station officer-in-charge Lalnunmawia chuan, mobile phone bo Aizawl PS-a report-te chu April 2025 aṭangin CEIR App's hmang a an chhui ṭan thu a sawi a, "Vawiin thlengin mobile phone bo 33 chuang hmuh let a ni tawh. Tun ṭuma a neitute hnena kan hlan lêt hi May 2025 chhunga kan hmuh let 12 a ni," a ti.

Aizawl PS OC chuan, mobile phone tibo leh rûksak tawkte chu police station-a inhriattir ṭhin turin a chah a, "Theihtawp kan lo chhuahpui ṭhin ang," a ti a; phone bote hmu let vek lo mah se, a tam zawk hmu let leh ngei turin ṭan an lo lakpui tur thu a sawi a ni.