Sihhmui 33kV transformer kâng vangin kawlphetha hmu ṭha dawn lo
Sihhmui 33kV transformer chu May 26, Thawhṭanni zan khan a kân chhia a, hei vang hian Sihhmui Sub-Station aṭanga kawlphetha pekte'n hun eng emaw chen an hmuh rih dawn lo.
Power & Electricity department tarlan dain, 132kV Sub-Station, Sihhmuia transformer kâng chhia hian 25MVA, 132/33kV transformer a khawih chhe tel a; sub-station-in a châwm - Sairang Sub-Station, Lengpui Sub-Station, Rawpuichhip Sub-Station, West Phaileng Sub-Station, ISPAT, PHE 37MLD Water Pump leh an chàwm khuaahte hun eng emaw chen power supply a khaihlak rih dawn a ni.
Power-a harsatna nei tur khuate'n kawlphetha an hmuh theih nan 132kV Sub-Station Luangmual aṭangin 33kV Sairang feeder hmangin kawlphetha pek tura ruahman mek a nih thu leh, inên chhâwk (load shedding) a ṭul ṭhin dawn thu an tarlang bawk.