Minister hoin Sihhmui Sub Station-a khawl chhia siam dan tur enfiah

Power & Electricty minister F Rodingliana hoin nimin khan bialtu MLA TBC Lalvenchhunga leh department-a mithiamte'n Sihhmui Sub Station khawl chhia siamṭhat dan tur an en.

May 26, 2025 tlai khan 132kV Sub Station Sihhmuia 33kV transformer a kâng chhia a, 25MVA, 132/33kV power transformer a khawih chhe tel. Hei vang hian Sihhmui Sub-Station aṭanga kawlphetha hmu sub station hrang hrangte'n an hmu thei lo a; Sihhmui bul hnaite leh Mamit district-a hmun ṭhenkhatte a ni.

Sihhmui Sub Station-a khawl chhiate siamṭha turin hun a duh deuh dawn avangin Power Minister hian a hmunah kal chilhin Powergrid Corporation of India Limited (PGCIL) hotute a ko a; a bul hnaia awm PGCIL Bay hman ṭangkai a, rang taka kawlphetha pek leh dan tur an ruahmkan.

Kawlphetha pekna dan pangngaia kalpui leh a nih hma chuan kawlphetha hman tam lai (peak load)-in load shedding siam a ṭul theih thu tarlan a ni.