Union WCD Minister-in home-te a tlawh

Union Women & Child Development minister of state Savitri Thakur chu nimin khan a rawn zin a, Aizawl leh a chhehvela home/centre-te a tlawh bakah, Mizoram sorkar hotute nen an inkâwm.

Savitri Thakur hi a ministry kaihhnawiha Mizoram sorkar hmalaknate enfiah tura rawn zin a ni a; Mizoram Women & Child Development minister Lalrinpuii leh sorkar hotu dangte'n Lengpui Airport-ah an lo dawngsawng.

Union WCD minister Savitri Thakur hian nimin khan Durtlanga Women & Child Development hnuaia hmalakna hrang hrang - hmeichhe dinhmun tleu leh harsatna hrang hrang tâwk mekte awmna tura din Shakti Sadan te, naupang thubuai tênau neite dahna hmun Observation Home te, naupang dan bawhchhetute'n nun kawng dik an zawh leh theihna tura din Special Home te, kum 16 chin chung lam, pawikhawhna lian thama inhnamhnawihte dahna hmun Place of Safety te a tlawh.

Ruahman dan chuan, Savitri Thakur hian vawiin hian Khawzawl leh Champhaia sorkar hmalaknate a tlawh leh dawn a, May 30, naktukah Chief Minister nen an inkâwm ang.