Siaha leh Mamitah bank hnathawh thlirho

Siaha leh Mamit District Consultative Committee (DCC), District Level Review Committee (DLRC), District Level Security Committee (DLSC)-te chu nimin khan an ṭhukhawm. January-March 2025 chhunga Mamit district-a bank-te CD ratio chu 73.58% a ni a, Siaha district-a bank-te CD ratio chu 86.02% a ni tih an tarlang.

Tarlan danin, Siaha district-ah bank pariat a awm a, public sector bank pakhat, private sector bank pahnih, regional rural bank pathum leh state cooperative bank pahnih a ni. January-March 2025 chhunga bank pariatte CD ratio chu 86.02% a ni a, October-December 2024 chhunga CD ratio 97.26% chu 11.24%-in an phâk lo.

Siahaa ṭhutkhawm hi additional DC Abraham Beirazi Khithie-a'n a kaihhruai a, sorkar department hrang hrang hotute leh bank aiawhte an tel. District chhunga bank-tge hnathawh thlir let a nih bakah, kum 2025-26 chhunga bank-te'n sector hrang hranga loan an pek chhuah dan tur Annual Credit Plan an pawm.

Mamitah chuan district bawrhsap K Laltlawmlova hoin sorkar leh bank hotute'n January-March 2025 chhunga Mamit district-a bank-te hmalakna an thlir let a; Annual Credit Plan 2025-2026 tlangzarh a ni.

Ṭhutkhawma tarlan danin, January-March 2025 chhunga Mamit district-a bank-te CD ratio chu 73.58% a ni a, nikum October-December chhunga CD ratio 76.95% chu 3.37%-in an phak lo.