Serchhipah damdawi zuarte endik rêl

Serchhip District Narco Coordination Center (NCORD) chu an chairman Paul L Khuma, district bawrhsap kaihhruaiin nimin khan an ṭhukhawm a; Serchhip khawpuia damdawi zuarte'n zawrh phal loh thil an zawrh leh zawrh loh endik an rêl.

Ṭhutkhawmah hian, Food and Drug Administration (FDA) hotu te, police leh YMA-te nen ṭanghoin Serchhip khaw chhunga damdawi dawr hrang hrangah zawrh phal loh zuar an awm leh awm loh endik turin Joint Raid neih an rel a; fe hchhuah dan tur leh a hun chungchangah calendar siam thuai ni se, an ti.

Tarlan danin, April 23, 2025-a NCORD ṭhutkhawm leh nimina an ṭhutkhawm inkarah danin a phût angin Serchhip district-a Scheduled H, H1 leh X damdawi license neite'n an dawrah CCTV an vuah vek tawh a; Serchhip police-te'n NDPS Act hnuaiah thubuai pakhat leh END-ten thubuai pathum an ziak lut a, mi pali an man.

Ṭhutkhawmah hian Serchhip Chief Judicial Magistrate, Police leh Excise & Narcotics hotu te, YMA Sub-Headquarters leh FDA aiawhte an tel. Taxi, maxicab leh two-wheeler taxi driver-te pualin danin a phal loh thil phurh chungchang leh a hrem theihna dante zirhona buatsaih a ni bawk.