Kolasib-ah hnam puanzar nen kawng an zawh

Nimin khan Kolasib-ah hnam puanzar nena kawngzawh, 'Tiranga Yatra' buatsaih a ni. Kolasib bawrhsap Robert C Lalhmangaiha hoin sorkar department hrang hrang hotu te, sipai bangte leh zirlaite'n hnam puanzar kengin Kolasib DC Office aṭanga Diakkawn kâwn thleng kawng an zawh.

Bawrhsap Robert C Lalhmangaiha chuan, India ram venhimna atana sipaite inpeknate hria a, ram chhan nana mi huaisen leh hlawhtling nih tum turin zirlaite a chah a, "India ram mai ni lo, Mizoram leh khawtlang leh kohhran tana mi ṭangkai leh hlawhtling ni turin hma lam pana ke kan pên zel a pawimawh," a ti a; Operation Sindoor-a India chakna chu India mi zawng zawng tana hnehna a nih thu a sawi bawk.

Tiranga Yatra-ah hian sipai bâng Sub.Maj. Lalengliana, Kolasib District Ex-Servicemen League president ni bawk kaihruaiin an au rual a ni.