Khawtlangin electric siam

Siaha district-a Mawhrei khawtlang chu an khuaa electric lak luhna hrui a chhiat avangin nimin khan siamṭhain an hnatlang. Power & Electricity department-a Mawhrei khua hi Tipa Sub-Division hnuaiah awm a ni a, an khua leh Chheihlu inkarah tun hnaia ruahsur vangin electric hrui a chhia a, ni hnih leh zan khat kawlphetha an nei lo tawh a ni. PE department-a thawkte'n electric hrui chhia siamṭhat tumin theihtawp chhuah mah se, an tlem avangin an siam zo mai thei lo a, Mawhrei khawtlang hian khawtlang hnatlang koin an siampui a ni.