Lungrem chimin mi 1 a delh hlum

Nimin zing khan Ṭhuampui Vengah lungrem a chim a, a thlang Pioneer-a camp rauhsan tawha riak Lalnunmawia (37) s/o KCa, Chawlhhmun a delh hlum.

Ṭhuampui Veng aṭanga Vanglaini thu dawn danin, Lalnunmawia hi a ṭhianpa Lalfakzuala (35) s/o K Laltharpuii, Ramthar Veng nen Pioneer camp hluiah an riak a, zing kara ruahsur nasat laiin an riahna chhak lungrem chimin a delh a ni.

Lungrem chim hnu lawkah Lalfakzuala chu dama lak chhuak a ni a, Greenwood Hospital panpui niin, a kâwng ruh a khawih avangin admit a ni.

A chhak lam aṭanga lei tla a awm reng avangin Lalnunmawia ruang chu lak chhuah theih a ni mai lo a, chawhma dar 10 velah lak chhuah niin, Ṭhuampuiah a thlahna hun hman a nih hnuah an veng panpui a ni.