E-cigarette leh vape khapna dan zirho a ni

E-cigarette leh vape-te khapna dan, Prohibition of e-Cigarettes Act (PECA), 2019 kengkawh tura ruat police officer-te pualin nimin khan Aizawl SP conference hall-ah training buatsaih a ni a; Aizawl SP Rex Zarzoliana Vanchhawng-in hmanpui.

Training hi vawiin World No Tobacco Day puala National Health Mission (NHM) hnuaia State Tobacco Control Cell, National Tobacco Control Programme (NTCP) buatsaih a ni. Kumina World No Tobacco Day thupui chu ‘Unmasking the Appeal: Exposing Industry Tactics on Tobacco and Nicotine Products’ tih a ni a; a tum ber chu sumdawnna atana vaihlo hmangtute hmanraw hrang hrang mipui hnena pho lan leh hriselna lama mipuite'n hma an sawnna tura zirtir a ni.