Covid-19 hmachhawn dan tur rêl

State Level Task Force on Covid-19 chu nimin khan Chief Secretary conference hall-ah an ṭuhkhawm a, Covid-19 darh leh thei hmachhawn dan tur an ngaihtuah.

Ṭhutkhawm hi State Level Task Force chairman H Lalengmawia, Health & Family Welfare secretary-in a kaihruai a; HFW department-in hripui darh leh thei hmachhawn tura a inpuahchahnate sawiho a nih bakah, swab sample endik kalpui tura khawl leh hmanraw dinhmun leh mamawh la awmte sawiho a ni.

Health Secretary chuan, tun hnaia Covid-19 léng avangin mipui tan chî-âi phahna tur a awm loh thu a sawi a, "Amaherawhchu, inbuatsaih lâwk hi a finthlak a ni," a ti.