Minister-in Sesawng tlawh

Minister of state Prof. Lalnilawma hian May 29, Ningani khan a bial chhunga Sesawng khua a tlawh a, Sesawng khawtlang hruaitute nen inkâwmin, Sesawng khaw mamawh leh harsatnate bakah, hmasawnna hnathawhte a enfiah.

Prof. Lalnilawma chuan, ZPM kaihhruai sorkarin Mizoram tan theihtawpin hna a thawh mek thu a sawi a, "Kum khat leh a chanve vel kan sorkar hnu hian thil a ṭha zawngin nasa takin a inthlak danglam chho a, Pathian kaihhruaina leh mipui thlawpna azarah hmasawnna thar kan hmuh zel ka beisei," a ti.