Buhfaiah thlaphâng lo turin FCSCA-in mipui an chah

Food, Civil Supplies & Consumer Affairs department chuan hriattirna tichhuakin, tunlaia ruahsur nasa vangin hmun tam takah kawngpui ping mah se, buhfai chhêk khawl dinhmun a ṭhat avangin thlaphâng lo turin mipui an chah.

FCSCA department chuan, buhfaiah manganna tur a awm lo tih tarlangin, "FCSCA chuan fûr laia tlawhpawh ṭhat theih loh khuaah buhfai (monsoon stock) chhêk khawl tawh a ni tih leh, heng khuaahte hian buhfaiah thlaphânna tur a awm lo a ni tih a hriattir a, fûr vanga mipuiin buhfai an tlakchham lohna turin theihtawp a chhuah zel dawn a ni," an ti.