Lawngtlai damdawi-in sawn

Lawngtlai District Hospital chu OPD building sak tharah an insuan lut mek. Damdawi-in hi nimin khan Lawngtlai DC Dr A Muthamma'n a tlawh a, ward hrang fangin, ṭul leh mamawh turte a enfiah.

Tun dinhmunah Lawngtlai District Hospital-ah hian khum 27 a awm a, khum 50 awm thei tura tihlen tum mek a ni.

Building thar hi OPD building atana sak a ni a, building hlui dinna hmunah damdawi-in pui ber sak thar tur a nih avangin OPD building hi a pumin an luah lailawk rih dawn a ni.