Lunglei DC-in thawhhopuiah sawm

Lunglei DC thar Lalzar-mawii chuan nimin khan a pisa-ah Lungleia thuthar thehdarhtute kawmin, thawhhona
ṭha tak neih puiah a sawm.

Lalzarmawii chuan mahni chauhin hna a thawh theih loh tih sawiin, "DC pisa-a officer leh staff-te bakah department dang leh chanchinbumite thawhhona tel lo chuan sorkar programme chak takin a kalpui theih loh. Kan ṭanrual a tul," a ti a, thuthar thehdarhtute chua thurawn pek a ngaihna apiangah inthlahrung loa thurawn pe ṭhin turin a chah.

Thuthar thehdarhtute chu sorkar hmalakna an puanzar kawngah fimkhur taka thu rintlak chauh chhuah ṭhin turin a beisei thu sawiin Lunglei DC chuan, "Mipui rawngbawltu in nih angin, mi chunga leng ni a inngaihna neih a thiang lo," a ti.

Thuthar thehdarhtute chuan thawh hona tha tak neih an beisei thu sawiin, district hmasawnna atana hma a lakna apiangah an thlawp tur thu DC hi an hrilh a ni.