Lungsenah kawngpui dan an titawp

Lunglei district-a Lungsen khuaa lirthei neitu pawl, Lungsen Vehicle Owners' Association (LVOA)-te'n October 22, 2016 aṭanga National Highway-302 an dan chu nimin khan an la chhunzawm a; sorkar thuneitute nen an inbiakrem hnuah nimin chawhnu dar 3:30 khan an titawp.

LVOA leh Lungsena khawtlang huap pawl hrang hrangte chuan NH-302 siam-
ṭhat phût nan October 21, 2016 khan khan total bandh an huaihawt tawh a; sorkar aṭanga chhanna an hmuh loh avangin October 22 aṭangin kawngpui an dang a, nimin chhûn thleng khan lirthei an dang.

Lungsena lirthei neitu pawlte'n darkar 80 chuang kawng an dan avang hian khualzinte'n harsatna an tawh phah nia thu dawn a ni a; kohhran leh zirna vanga zin chhuakte tihkhawtlai an nih avangin an buai phah hle niin an sawi.

Lirthei dangtute hian tiam chin awm loa an hmalakna chhunzawm zel an tum laiin, nimin chawhnu dar 2:30 khan Lungsen V/C House-ah sorkar aiawh PWD hotute nen an inbia a, inremna an siam avangin NH-302 an dan pawh an titawp ve nghal a ni.