Court-te hawn reng a ni

Gauhati High Court (GHC), Aizawl Bench chuan thuchhuah siam­in, GHC leh district court-te chu thubuai hman­hmawhthlak bikah chuan hawn reng a nih thu a tarlang.

GHC chuan, Covid-19 hri laka invènna atan mihring nun zalenna khawih thil thubuai hman­hmawhthlak bikte chauh ngaihtuah rih a nih tur thu a tarlang a, "Social distance a awm theih nan court-a dilna hrang hrangte thawnna tur email siam a ni. High court leh district pariatah court pan duhte tana biak pawh tur nodal officer ruat vek a ni a, ni tina duty tur judge/magistrate pawh ruat a ni," a ti.

Gauhati High Court tarlan danin, inkhârkhip chhunga court kalpui leh hnathawh dan tur kim­chang chu court tin website leh notice board ṭheuhah ngaihven theih a ni.