Kawtkai Library:

Ramhlun South Branch YMA hnuaia Library & Documentation Sub-Committee chuan YMA thil tum zinga 'Hun âwl hman ṭhat' tihhlawhtlinna atan an veng local task force phalnain inkhârkhip chhungin library-a lehkhabute a duh apiang tan a thlàwna chhiar theih turin 'Kawtkai Library' an siam.

Lehkhabute chu a list an siam a, a chhiar duhte'n an chhiar duh záwng an hriattir a, lehkhabute chu Library Sub-Committee member-te'n a chhiartu turte inah an pe (home deliver) ṭhin. Lehkhabu chu ni 10 chhung kawl theih a ni a, an chhiar zawhah Library Sub-Committee member-te bawkin an la leh dawn. Inkhàrkhip chhunga lehkhabu chhiar tam zual mi pathum hnenah lawmman pek an tum bawk.