Inkhârkhip laiin ramvâk an tam

Covid-19 léng vanga inkhârkhip puan a nih hnuah Environment Forest & Climate Change (EFCC) department-in ramvâk eng emaw zatte silai an mansak tawh.

EFCC department hotute hnen aṭanga Vanglaini thu dawn danin, local task force aṭanga kal phalna nei leh sorkarin feh a remtih chhuanlama hmangin inkharkhip hnuah ramvâk an tam phah. Mi eng emaw zat chu silai mansak a ni tawh a, thawktu indaih lohna avangin ramvâk man loh eng emaw zat an awm rin a ni.

Silai an mansakte chu pêk lêt an ni dawn lo a, thubuai erawh an siamsak lo. Tunlai hian EFCC Directorate chuan hmun hrang hranga silai an mansak zat an díl khawm mek a ni.