Khawzawlah dawr hawng

Khawzawl District Le­vel Task Force on Covid-19 chuan inkhârkhip kalpui mekah nimin aṭang khan Khawzawl district-ah ei leh in bâkah, mipui mamawh zual zawrhna dawr hawn an phal ṭan a, hmasawnna hna hmanhmawhthlak zual thawh an phalsak bawk. 

Khawzawl district-a luh leh chhuah chu khap zui zel a ni a, ṭul bik thilah chuan phalna lak theih a ni. District chhunga khuate chu zone pakuaah ṭhenin, zonal officer pahnih ṭheuh-in an vil a, tun dinhmunah an district chhungah ni tin mamawh hrang hrangah harsatna lutuk nei an awm rih lo.